Сувото овошје, како кајсија и грозје, може да биде опасно за мали деца, бидејќи станува збор за овошје кое многу лесно може да се залепи во грлото и така да оневозможи слободно движење на воздухот.
Поради тоа, кај деца до четри години треба да се избегнува давање на суво овошје.
На детето суво овошје може да му дадете порано, само долку го подготвите на следниот начин: добро да го измиете и да го оставите преку ноќ да отстои. Следниот ден, исцедете го, ставете го во бледер и изблендирајте го.
Исто така, овие намирници често се виновници за оштетувања на детските заби. Бидејќи се лепат на забите, создаваат плодно тло за размножување на бактерии. Насобраните бактерии создаваат киселина која со тек на време ја уништува забната глеѓ и предизвикува оштетување на забите.
И кога станува збор за деца постари од четири години, потсетете ги после консумирање на суво овошје, задолжително да ги измијат забите, за ако во моментот нема услови за тоа, нека испијат чаша вода за да се отстранат остатоците од сувото овошје.
