Периодот кога никнуваат забите на детето може да биде многу непријатен и за бебето и за родителите. Помогнете му на вашето бебе да ја помине оваа фаза на развој што е можно побезболно.
Во периодот на никнување на забите, дајте му на вашето дете доволно храна со високо ниво на калциум и витамин Д, за неговите заби да бидат силни и здрави. Од првиот ден водете сметка за хигиената. Користете меки, заоблени четки за бебиња и вода за миење на бебешките заби. Кога им никнуваат запчиња, бебињата засилено се лигават
Имено, кај повеќето бебиња, млечните заби почнуваат да растат околу шестиот месец по раѓањето, иако на некои бебиња првите секачи може да им израстат многу порано или многу подоцна и тоа не е причина за грижа, бидејќи зависи од индивидуалниот развој на секое дете.
Периодот кога растат забите на детето може да биде многу непријатен и за бебето и за родителите, бидејќи бебето постојано плаче. Помогнете му на вашето малечко да ја помине оваа фаза од неговиот развој што е можно побезболно.
Во периодот на никнување на забите, дајте му на вашето дете доволно храна со високо ниво на калциум и витамин Д, за неговите заби да бидат силни и здрави. Од првиот ден водете сметка за хигиената. Користете меки, заоблени четки за бебиња и вода за миење на бебешките заби. Кога им никнуваат запчиња, бебињата засилено се лигават.
Олеснете ја болката на вашето бебе и олеснете му го овој период:
- Дајте му на вашето бебе да грицка ладно јаболко или морков;
- Дозволете му на вашето бебе да ја грицка четката додека му ги миете забите;
- Имајте на ум дека кај некои бебиња цицањето ја влошува болката. Ако вашето бебе го отфрла шишето, дојката или цуцлата, не го присилувајте. Кога болката ќе престане, бебето повторно ќе цица;
- Натопете чиста крпа во чај од камилица и замрзнете. Можете да му ја дадете на бебето да ја гриза и на тој начин да ги излади непцата;
- Постојат различни играчки за гризање, најдете една за вашето бебе;
- Отстранете ги сите ситници кои бебето би можело да ги голтне, затоа што ќе стави се околу него во устата за да ги почеша непцата;
- Можете да набавите играчки за гризање кои светат или вибрираат за да го одвлечат вниманието на бебето од иритирачката болка.
Ако ништо од горенаведеното не помага и вашиот лекар го одобри, дајте му на вашето бебе сируп за ублажување на болката.
