Прехранбените навики кои ги усвојуваме во најраниот период од животот, одредуваат каква храна ќе претпочитаме и подоцна. Сите понекогаш на децата им нудиме и брза храна, главно поради недостигот на време, но кои се работите кои треба да се избегнуваат?
ФЛИПС
Најчесто содржи сол, хидрогенирани билни масто, потенцијален алерген – кикирики или различни зачини во прав и засилувач на вкусот. Предлог замена на нутриционистите се експандирани житарки како пченкарен флипс без сол и зачини, оризови или пченкарни крекери без сол, флипс од просо, амарант или крекери од житарки од цело зрно.
МАЈОНЕЗ
Содржи жолча и билно масло, а може да има и скроб и зачини, зависно од типот. Нема потреба да се воведува, доволно е децата во исхраната да внесуваат јајца. Постојат алтернативи намази кои може дома да се подготват, како од наут, авокадо…
ВИРШЛИ
Процесуирани прехранбени производи кои се прават од свински и/или говедско месо, а сега и од пилешко месо, масно и сврзно ткиво и дополнителни состојки. Поради нискиот процент на белковии, виршлите не се вбројуваат во нутритивно вреден производ за исхрана на децата, потенцираат нутриционистите. Виршлите, паштетите, освен што содржат маснотии и други месни состојки кои не се соодветни за децата, содржат и разни конзерванси (нитрати, глутамати) кои може да предизвикаат и алергиска реакција.
СЛАТКИ
Рафинираниот бел шеќер на телото не му дава ниту еден важен нутриент. Сахарозата се наоѓа во намирници како слатки, десерти и сокови, но овој шеќер е скриен и намирнци како житарки за појадок, пецива, овошен јогурт и десерти, конзервирано овошје и зеленчук и разни готови супу и сосови.
