Иако сите добро знаеме дека не е потребно при појава на било каков симптом веднаш да се трча на лекар, педијатрите сепак предупредуваат дека одредени симптоми кај децата може да укажуваат на здравствени проблеми кои родителите не смеат да ги игнорираат, туку веднаш да побараат помош од експерт.
Како што пренесува порталот HealthOne, постојат дури пет необични симптоми кои претставуваат потенцијална опасност за детето доколку навреме не се интервенира. Ова го подразбира следново:
- Болки во стомакот кои не поминуваат подолго време или стануваат се поинтензивни
- Покачена температура која не може никако да се намали
- Необјасниво губење на телесна тежина
- Нагло опаѓање на косата
- Губење на слух.
Иако секој од овие симптоми не мора веднаш да значи дека станува збор за некоја посериозна болест кај детето, педијатрите советуваат дека сепак би било паметно да се посети лекар доколку ти во некој случај се појават.
Имено, болките во стомакот кои не престануваат долго време би можеле да бидат знак за воспаление на слепото црево, чир на желудникот, инфекција на уринарниот тракт или рак. Исто така, ненадејното губење на косата многу често укажува на автоимуни болести како што се дијабетес или целијачна болест, додека губењето на слухот често укажува на проблеми со воспаление на средното уво или менингитис.
