Родителите ги воспитуваат своите деца на различни начини, но одредени видови воспитување можат сериозно да му наштетат на развојот на детето, и физички и психички. Се ова се согласува и едукаторката и авторка Џули Литкот-Хајмс, која верува дека претерано ангажираното родителство, попознато како хеликоптер родителство, им нанесува повеќе штета отколку добро на децата.
Како што објаснува, хеликоптер родителите претерано внимаваат на детето и на тој начин несвесно го спречуваат да се осамостои. Дополнително, дете кое нема можност да испроба одредени активности и предизвици, но и кое не може повремено да погреши, се соочува со недостаток на самодоверба, што негативно влијае на неговото ментално здравје.
Ваквите деца се многу повеќе склони кон депресија, анксиозност и слаби резултати на училиште, но и подоцна во кариерата кога ќе пораснат.
„Иако е јасно дека хеликоптер родителите сакаат да му помогнат на детето и да го заштитат од болка и неуспех, всушност тие го прават сосема спротивното. Имено, прекумерното помагање предизвикува уште поголема штета. Ако сме премногу вклучени во животот на нашите деца и водиме сметка за секој проблем или предизвик со кој се соочуваат, им го ускратуваме учењето за тоа кои се тие во нивната срж, како да ги решаваат проблемите и како на крајот да се снајдат во животот како возрасни лица“, вели Литкот-Хајмс.
