Педијатрите советуваат како да го научите бебето подолго да спие и ритамот на детето да го прилагодите на вашиот.
“Може да се обидете навечер да го ставите детето еден час подоцна во кревет. Доколку детето легнува да спие во осум часот навечер и тоа редовно се буди во пет наутро, голема е веројатноста дека ќе спие до шест часот ако претходната вечер го ставите да спие еден час подоцна. Сепак, немојте ова време повеќе да го продолжувате, бидејќи 21 часот е најдоцното време кога бебе, односно мало дете треба да си легне во кревет“, советува педијатарката д-р Ружа Бајиќ.
ПОДОЦЕН ПОЈАДОК
Доколку му давате на бебето веднаш по будење да цица или нешто да испие или изеде, можеби научило да почувствува глад во одредено време. Затоа обидете се тоа време на првото будење, малку да го продолжите така што ќе го дигнете детето од креветче, но малку подоцна да го нахраните. Можеби така ќе успеете да го научите детето на нов распоред и со тоа да го продолжите и вашиот утрински сон.
“Ако детето рано се буди оти е гладно, не е лошо навечер со млекото да му дадете и малку житарки, па тоа ќе го држи подолго сито наутро“, вели д-р Бајиќ.
ДНЕВЕН СОН
Вашето дете рано станува, но без проблем рано претпладне повторно заспива? Обидете се тој претпладневен сон колку што можете да го поместите, оти е можни детето со тој ран претпладневен сон да си надоместува нешто кое му недостасувало во текот на ноќта. Внимавајте да помеѓу новиот претпладневен сон и утринското будење поминат барем четири часа. Ако детето спие само еднаш на ден, тогаш не би требало тоа да биде претпладне, бидејќи до вечерта детето и тоа како ќе се премори.
УТРИНСКА БУЧАВА
Следна причина за рано будење на детето може да бидат звуците кои наутро се прават во домот.
“Наутро, сонот на бебето е полесен и почувствителен на звуци, а со оглед дека бебето речиси и да е наспиено, тешко дека повторно ќе заспие ако еднаш се разбуди. Затоа обидете се наутро да обезбедите што е можно поголема тишина“, објаснува д-р Бајиќ.
