За да бидете сигурни дека детето здраво тргнува во училиште, издвојуваме три различни прегледи, како и причините зошто е важно да се направат пред седнување во училишна клупа.
ИМУНИЗАЦИЈА
Веќе е познато дека нема упис во училиште без примени вакцини, согласно календарот на имунизација на децата. Имунизацијата на детето е многу важна пред да влезе во училница, како би се спречило ширење на болести. Многу пати е пишувано на оваа тема, за важноста на вакцините за здравјето на децата.
ПРЕГЛЕД НА ОЧИТЕ
Дури 80% од работите, децата ги учат со очи. Тоа значи, дека офталмолошките прегледи би требало да се прават пред првата година од животот, во третата и пред поаѓање на училиште. Ако не сте воочиле никакви проблеми со видот, децата би требало да се тестираат барем на секои две години. Прегледите кои се прават во рамките на систематските прегледи во училиште, не се замена за големите тестови за очи, оти не покажуваат некои состојби како ослабени очни лигаменти, проблеми со фокусирањето, далекувидност.
ЧИСТЕЊЕ НА ЗАБИТЕ
Одржувањето на оралното здраје е многу важно за целокупното здравје. Нетретираните дентални проблеми може да го намалат вниманието, самодовербата и да ја ограничат можноста за учење во училиште на детето. Пропаѓањето на забите навистина може да се превенира, но сепак се смета за еден од најчестите хронични проблеми меѓу децата.
