Повеќето деца ги напаѓаат зимските вируси, а инфекциите на дишните органи се убедливо најчести. Има и инфекции на органите за варење, кои се проследени со повраќање и пролив.
За повеќето вируси нема лек, туку детето мора само да се избори, а задача на родителите (со помош на лекарот) е да му помогнат на детето.
Една од најважните мерки на поддршка на болното дете е внесот на течности. Водата е од непроценливо значење и за здраво дете, за болно, и неретко е поважна и од лековите.
Зошто е тоа така?
Течност е неопходна за да на детето му се надомести губитокот на телесна вода при секоја вирусна болест, а особено во овие студени денови. Вирусите на разни начини ја “истеруваат“ водата од детскиот организам, но и ја зголемуваат потрошувачката на вода во неговиот организам.
Високата температура е чест следбеник на зимските инфекции, го зголемува испарувањето на водата од телото, но и го забрзува метаболизмот што ја зголемува потрошувачката на внатрешната вода.
Лошиот апетит е често присутен кај болното дете, така да тоа нема потреба да јаде и да пие, па внесот на вода е значајно намален. Кога тоа ќе се здружи со зголемениот губиток на вода, јасно е зошто внесот на течности е важно.
