Децата треба секојдневно да јадат зеленчук, оти тој е рудник на витамини, минерали и диететски влакна, кои се неопходни за нивниот развој, советуваат стручњаците. На децата од втората до третата година потребна им е една шолја зеленчук дневно, која има зафатнина од 250мл. Ако станува збор за зелен лиснат зеленчук, потребни се две такви шолји, додека на децата од 4 до 8 години имаат потреба од шолја и половина.
Девојчињата од девет до 13 години треба да внесуваат две шолји зеленчук, а момчињата на иста возраст две и пол шолји.
Количината на зеленчук се разликува и за девојчињата и момчињата на возраст помеѓу 14 и 18 години. На женските деца секојдневно им се потребни две шолји, додека на машките деца три шолји од овие намирници.
Многу е важно изборот на зделенчук во текот на неделата да биде разновиден. Истовремено треба да биде застапен темнозелен (брокула, блитва, спанаќ, зелена салата), но и портокалов зеленчук (тиква, морков). Не смее да се изостануваат ниту мешунките, како леќа, грав, грашок, пченка, но и карфиол, целер, краставица, домат и тиквица.
