Вистинските контракции го најавуваат чинот на породување, додека Braxton Hicks контракции се на некој начин подготовка на матката за овој чин. Меѓутоа, многу често и појавата на „лажните“ контракции предизвикува паника кај бремените жени, посебно ако станува збор за прва бременост.
Постои навистина голема разлика меѓу двата типа контракции.
- Вистинските контракции се јавуваат во одреден интервал, потоа стануваат сè почести и со посилен интензитет.
- Braxton Hicks контракциите може да не ги забележите иако се јавиле. Родилните контракции се со многу поголем интензитет и не постои бремена жена што може да не ги регистрира.
- Braxton Hicks контракции се јавуваат во нередовни интервали и се со слаб интензитет.
- Вистинските контракции многу често се придружени со воденест исцедок (водењак) или сукрвица. Покрај тоа, често се јавува и болка во долниот дел на грбот.
