Мерењето контракции може да ви даде подобар увид во тоа во кој стадиум е породувањето, а со тоа ќе знаете и кога е време да тргнете во болница. Контракциите не се нималку пријатни, но секој грч ве доведува на чекор поблиску до запознавање со вашето бебе. Во овој случај, добро е да се мерат контракциите, а во продолжение прочитајте и како.
Кога да почнете со мерење контракции?
Почнете со мерење штом почувствувате две или три контракции и кога ќе почнат да делуваат дека се редовни. Ако сте имале само една или две, почекајте на третата оти дури тогаш почнува породувањето.
Контракциите ќе изгледаат како нешто помеѓу менструални болки и запек. Болката почнува во долниот дел од грбот и се шири на стомакот, а понекогаш останува само на долниот дел од грбот.
Ќе трае веројатно околу една минута и ќе се случува на секои 15 минути. Важно е да се напомене дека ова не е правило, и дека секоја жена е поинаква. Одете во болница кога контракциите ќе бидат на секои пет до шест минути. Ако се нерегуларни, може станува збор за Бракстон-Хикс контракциии во прашање е лажно породување.
Во секој случај, најдобро е да отидете во болница, каде медицинскиот персонал ќе ви ја пружи потребната помош.
