Гинекологот д-р Весна Харни истакнува дека она што трудницата јаде или не јаде може да има влијание на развојот на органите на нејзиното дете. Од голема важност, објаснува лекарката, е жената здраво да се храни за време на бременоста, оти бебето целата храна ја прима низ крвотокот на мајката.
Се препорачува да се избегнува храна богата со шеќери и масти, која не содржи важни прехранбени состојки, додека свежото сирење –урдата, непастеризираното и неварено млеко, салатата од свежа зелка и разни намази може да бидат загадени со бактеријата листерија, која предизвикува листериоза и да дојде до спонтан абортус.
Исто така, суровото месо или сувомеснати прозиводи, како и свежото неизмиено овошје и зеленчук може да предизвикаат токсоплазмоза – болест која може да предизвика слепило и оштетување на мозокот и срцето на детето.
Недостатокот на белковини и калории во третото тромесечје од бременоста може да го попречат правилниот развој на мозокот, а недостатокот на фолна киселина е поврзан со некои аномалии кај децата.
