Што јаде мајката, јаде и бебето. Понекогаш на бебето кое се храни со мајчино млеко може да му пречи некоја состојка од храната што ја консумирала мајката. Ова е попис на храна која треба да се избегнува при доењето, а е направена на база на искуства на мајки кои доеле.
Многу жени бременоста ја минуваат без засилен апетит и одредени труднички желби за одредена храна. Но, нагласена глад и жед се јавуваат брзо по породувањето кога телото бара дополнителна енергија за да создаде млеко со кое ќе се храни бебето.
Засилениот апетит на доилките, никако не треба да значи внес на било каква храна, од причина што исхраната има силно влијание на квалитетот и количината на млекото, но и на здравјето и на мајката и на новороденчето.
Исхраната за време на доењето треба да биде:
- Редовна (5 оброка дневно)
- Разновидна ( не треба да се избегнува ниту една група на намирници)
- Балансирана и умрена (не треба да се претерува во колилчината на некоја намирница)
Храна што треба да се избегнува:
Советите од пријателки, роднини околу храната што треба да се избегнува се различни, од причина што не постои истражување кое ја следело врската помеѓу мајчината исхрана, мајчиното млеко и непријатностите и пречките кај бебето откако мајките консумирале одредена храна. Оваа листа се темели исклучиво на искуства на доилки.
- Чоколадо
- Зачини како цимет, лук, лута пиперка
- Цитрусно овошје и сокови
- Јагоди
- Ананас
- Киви
- Зеленчук што предизвикува надуеност: кромид, грав, карфиол, брокула, краставица, брокула и пиперка
Но, оваа листа не мора нужно да значи дека бебето ќе има проблеми ако мајката изеде нешто од неа. Секој организам е приказна сама за себе.
