Несоницата е еден од проблемите со кој се соочуваат многу бремени жени. Постојат трикови кои ќе ви помогнат полесно да заспиете, а најдобро е да пронајдете идеална положба.
Во бременоста никако не смеете да спиете на стомак. Сите останати положби и може да дојдат предвид, но лежењето на стомак никако, бидејќи на тој начин го притискате бебето. Со оглед дека многу жени пред бременоста сакаат да спијат на стомак, ќе им треба време да се навикнат. Иако, кога од четвртиот месец стомакот ќе почне да расте и сами ќе увидите дека не можете да спиете во оваа положба.
Спиењето на грб, исто така не е пожелно, но е помалку страшно, во споредба со спиењето на стомак. Под услов да можете да спиете на грб (на многу жени оваа положба им е неудобна), ќе дојде до забавување на крвотокот, односно ќе се намали протокот на крв до срцето и плодот. Како последица ќе имате чести вртоглавици, можеби и главоболки. Од друга страна, на некои трудници им одговара оваа положба и добро се чувствуваат. По правило треба да се избегнува, но ако спиењето во оваа положба ви озоможува добар и квалитетен сон, продолжете.
Она што исто така не е пожелно е спиење со рацете над главата.
На почетокот на бременоста веројатно тешко ќе се навикнете да спиете во одредени положби. Ќе ви се случи дури и да заспиете во адекватна положба, а да се разбудите во поза која не е пожелна во бременоста. Не треба да се грижите, доволно е да потрудите и навиката да спиеете во правилна положба ќе се создаде сама од себе во еден момент.
Спијте на левата страна, со перница меѓу нозете.
По препорака на стручњаците, најидеална положба за спиење кај трудниците е спиење на левата страна, по можност со мало прениче меѓу нозете. На овој начин, главата, матката и колената се на иста должина, што овозможува совршено струење на крвта низ вашето тело. Доколку крвотокот се движи без проблеми, тоа значи дека бебето ќе се развива правилно, но и брементаа жена подобро ќе се чувствува. Со правилен крвоток, бебето ги добива и сите потребни хранливи состојки, кои се неопходни за нејзин раст и развој.
Спиењето на лева страна се препорачува посебно за трудници кои имаат вртоглавици, болки во грбот, главоболки и слични тегоби. За подобар ефект, ставете ставете уште една перница под левиот колк.
