Мајчиното млеко побрзо се вари за разлика од адаптираното, така што бебињата кои цицаат побрзо огладнуваат. Пред да се воспостави динамиката на создавање на мајчиното млеко според потребите на бебето, доењето би требало да биде на барање на бебето, односно што почесто. Честото доење исто така помага во стимулирање на производството на млеко во текот на првите недели.
Вашето новороденче во првиот месец би требало да цица 8 до 12 пати дневно, што значи во период од час и половина до три часа. Кај новородените бебиња, не би требало да поминат повеќе од 4 часа помеѓу два подоја, дури ни во текот на ноќта.
Како бебето расте, ќе цица поретко и ќе воспостави свој ритам на оброци. До вториот месец, доеното бебе веројатно ќе ги намали оброците на 7 до 9 подои дневно, што ќе значи повеќе ноќен сон за мајката.
Кога се зборува за сатницата, се пресметува времето од кога бебето почнува да цица (а, не од кога ќе заврши), до наредниот подој.
Колку долго треба да трае подојот?
Подојот треба да трае се додека не видите знак дека бебето е сито. Новородените бебиња цицаат и до 40 минути (20 минути да двете дојки), додека постарите бебиња, која ќе станат посилни и повепти, може да го скратат времето на подој на 10 до 20 минути (5-10 минути на двете дојки).
