Родителите по раѓањето на детето се соочуваат со низа неизвесности и страв да не направат нешто што би можело да му наштети на бебето. За разлика од татковците и мајките кои веќе имаат искуство, на новите родители на почетокот им треба поддршка и меѓусебно поткрепа за полесно да ги поминат првите месеци.
Кога да го нахраните бебето? Зошто плаче, дали е можеби гладно? Каков е тој чуден осип на кожата, треба ли да се оди на лекар? Тоа се само некои од прашањата кои ги мачат младите родители. Тоа е се нормално, бидејќи настапил нов период во животот со кој теба да научите да се носите.
Една од ситуациите кои ги мачат многу татковци и мајки е капење на бебето. Кога и колку често треба да ги капете? Прашањата се вообичаени и нормални бидејќи кожата на бебињата по раѓањето е незрела и треба да се внимава, па затоа е важно да се прилагоди начинот на капење. По доаѓањето од болница, бебињата имаат раничка на папакот и заради тоа педијатрите советуваат само суво капење или заштита на тој дел при капењето.
Сувото капење е бришење со влажна газа по телото, но околу папакот. Тој дел треба да се прескокнува додека раната не зарасне. Потоа може да го капете детето. Доколку не сте сигурни дека ќе може да го држите бебето, без страв дека нешто ќе се случи, се препорачуваат специјални подметнувачи кои служат како сталак и ви овозможуваат да го искапете бебето без страв. Капењето на бебето во кадичка почнува по третата недела од раѓањето, кога и може да се процени каква е кожата не бебето. Доколку е сува кожата, препорака е да се капе детето најмногу три пати неделно, со температура на водата од 36 степени.
За бебиња со нормална кожа е дозволено секојдневно капење, со тоа што шампони не треба да се користат секој ден. Ако кожата на детето е почувствителна, добро е да се употребуваат средства без парабени со кои не доаѓа до отстранување на заштитниот слој на бебешката кожа. Ритуалите како што е капење на бебето, треба да бидат забавни и ако еден ден сте изморени, не се чувствувате добро или едноставно не сте расположени, слободно прескокнете го капењето. На вашето бебе нема да му биде ништо.
