Се повеќе жени се одлучуваат да родат дете и по 40. година од животот. Со оглед на годините постојат неколку апсекти според кои овие бремености бараат поинтензивен надзор и носат поголем ризик.
Самите години не се некој лимит за раѓање, проблем се некои состојби и болести чија зачестеност и тежина се зголемуваат со возраста. Така, сите хронични заболувања (срце и крвни садови, бели дробови, локомоторен систем…) можат поради потенцијално влошување на опшата состојба на трудницата, да претставуваат причина за засилен лекарски надзор, а во некои посериозни случаи и пречка за медицинска согласност за бременост и породување.
Имено, по 35. година од животот, поради зголемениот ризик од појава на генетски преносливи аномалии, се препорачува рана амниоцентеза со кариотипизација. Станува збор за земање примерок од плодовата вода од која се одредува кариотипот (генетска мапа) на плодот. Оваа дијагностичка процедура овозможува во неповолни случаи навремено воочување на евентуалните абнормалности, па таквите бремености на време се прекинуваат.
