Кога ќе дојде бебето на свет, сите веднаш почнуваат да размислуваат и кажуваат на кого ќе личи и како ќе изгледа кога ќе порасне. Така, речиси секој родител и во текот на растењето се прашува колку детето ќе биде високо.
Од што зависи висината на детето?
Не е можно да се одреди точната висина што ќе ја има детето кога ќе порасне. Детето во текот на пубертетот нагло расте, а на висината може да влијаат:
- Генетиката
- Хормоните
- Неухранетоста
- Болести
- Генетски абнормалности
- Употреба на одредени лекови
Некои дополнителни фактори, како клима, вежби, загадување, спиење и слично.
Како да знам колку ќе биде високо детето?
Кога се во прашање девојчињата: Од висината на таткото одземете 12 сантиметри, па додадете ја висината на мајката. Добиениот број поделете го со два и отприлика ќе ја добиете висината на детето.
Кога се во прашање момчињата: На висината на мајката додадете 12 сантиметри, па додадете ја висината на таткото. Добиениот број поделете го со два и приближно ќе ја добиете висината на вашето дете.
