Истражување спроведено во Велика Британија во кое учествувале 1.000 мајки и татковци, покажало дека бебето годишно во количка, до моментот додека не прооди и не ја “надрасне“, ќе се вози 1.200 километри.
Статистиката вели дека бебињата се возат во количка најмалку осум пати неделно, и дека во текот на секоја прошетка минуваат помеѓу два и пол и три километри. Тоа значи дека месечно, родителите количката ја буткаат околу 99 километри.
Според анализата на одговорите на родителите кои учествувале во истражувањето, мајките почесто ги носат бебињата на прошетка, но кога ќе ги изнесат татковците, прошетката трае подолго.
Прошетките се неколкукратно корисни, прво за бебето е добро да биде на воздух, бебињата сакаат да се возат во количка и тоа може да ги смири кога се нервозни или плачливи. За родителите прошетката е одличен начин да бидат физички активни, без голем напор.
