Тим канадски научници преку обемно истражување заклучиле дека децата не треба да пијат повеќе од две чаши млеко (400мл) дневно. Оваа количина на млеко е оптимална и доволна да ги задоволи потребите на детскиот организам за железо и за синтеза на витаминот Д. Ова истражување е спроведено од 2008 до 2010 година во провинцијата Онтарио, со учество на 1.300 деца на возраст од две до пет години.
„Утврдивме дека две чаши млеко на ден е доволно да се одржи адекватната количина на витамин Д во организмот на повеќето деца, како и одржувањето на оптималните залихи на железо во организмот. При употреба на поголеми количини млеко залихите на железо исто така се зголемуваа, додека заситеноста со витаминот Д не се менуваше“, појаснува водечкиот автор на студијата, професор Џонатан Магир од болницата Св.Михаил во Онтарио.
Врз основа на добиените резултати, научниците заклучиле дека родителите не треба да ги присилуваат децата да пијат повеќе млеко од препорачаната норма. Поголеми количини млеко може да доведат до различни цревни проблеми, вклучувајќи запек и пореметување на варењето на храната, што може да влијае на целокупната здравствена состојба.
Комбинацијата на железо и витамин Д од млекото и млечните производи е од суштинско значење за јакнење на коските и за нормален развој на централниот нервен систем и интелегенцијата.
„Недостаток на витамин Д го зголемува ризикот од болести на коските, ризикот од слабеење на имунитетот, како и од појава на воспалителни болести, додека недостатокот на железо се поврзува со слабокрвност и пореметување на интелектуалниот развој. На внесувањето на витамин Д строго треба строго да се внимава во зимскиот период, како и кај децата со потемен ген, бидејќи во овие случаи овој витамин потешко се синтетизира во организмот, под влијание на сончевите зраци„ се вели во студијата.
