Децата од предучилишна возраст имаат потреба од вкупно 11 до 13 часа спиење секој ден, сметајќи го ноќното и дневното спиење. Како и кај помалите деца, тешкотиите при успивањето и будењето ноќе и натаму се присутни. Со понатамошниот развој на имагинацијата, се случува, децата на оваа возраст да развијат ноќни стравови. По наршување на пет години, повеќето од децата престануваат да спијат во текот на денот.
Со почнувањето на училиште, децата ја губат можноста за пладневна дремка и одмор. Затоа е многу е важно во овој период, познавајќи го своето дете, да забележите ако му недостасува спиењето во текот на денот и да се потрудите навечер да легнува порано и во текот на викендите да отспие попладне, за да го надомести сонот што ми недостасува.
Познато е дека е важно децата да спијат доволно часови. Во спротивно, последиците не се само лошо расположение и раздразнетост, туку недостатокот на сон може да се одрази и на концентрацијата, способноста за учење, како и на имунитетот.
Педијатрите обично не прашуваат колку спие детето, оти очекуваат родителот сам да каже ако има потреба. Затоа, при посета на матичниот педијатар задолжително напоменете му дека вашето дете не спие доволно.
Како и на помала возраст, така и во овој период е важно да се одржува редовен ритам на спиење и да се држите до распоредот. Детето треба секоја вечер да си легнува во исто време и наутро во исто време да станува, и тоа не само преку работните денови, туку и за викендите.
Не се советува телевизот во детската соба, а компјутер и слични “занимации“ ако ги има, а кои го држат детето будно, треба задолжително да се исклучат.
