Првите заби обично почнуваат да избиваат околу шестиот месец од животот, иако тоа не е правило, па можат да се појават и порано или подоцна. Не постои точно одредено правило за тоа колку заби треба да има детето до првата година, но некои просечни бројки може да послужат како добра ориентација.
Колку заби треба да има едногодишно дете?
Избивањето на забите зависи од генетските предиспозиции, така што времето на појавување на првите „бисерчиња“ може да се смета само рамковно. Од тие причини, на бебињата до првата година би требало да му избијат следните заби:
- Два долни централни секачи
- Два горни секачи
- Два странични горни секачи
Речиси истовремено со горните се појавуваат и долните странични секачи, што кога ќе се собере, дете од една година треба да има осум заби.
Постои и формула која педијатрите ја користат при проценка на забите кај бебиња до една година, а еве како можете да пресметате колку заби треба да има бебе до една година – N=n-4, каде N е бројот млечни заби што треба да ги има, а n е бројот на месеци на бебето.
Што ако детето до една година нема ниту еден заб?
До неодамна, лекарите сметале дека ако бебе нема заби до една година, тоа може да укажува на рахитис. Но, денес се смета дека е сосема можно дури и сосема здрави деца да немаат ниту еден заб до една година.
Сепак, во некои ситуации, фактот дека детето нема ниту еден заб во првата година може да биде сигнал што не треба да се игнорира. Ако нема индикации дека првиот заб може да изникне наскоро, тоа може да го укаже следново:
- Недостаток на витамин Д во телото
- Метаболичко нарушување
- Проблеми со цревата
- Инфективни болести
- Хоризонтална положба на забите во непцата
- Отсуство на корени на забите
Иако најчесто не е причина за загриженост, доколку дете до една година нема ниту еден заб, најдобро е да се консултирате со педијатар и детски стоматолог, кој ќе утврди дали зад ова се крие некаков проблем или дали е во прашање само генетика и наскоро ќе може да се очекуваат првите млечни заби.
Значи, иако се смета за просек, барем според горната формула, едногодишно дете да има осум заби, не паничете ако има помалку од тоа или воопшто нема. Можеби е најдобро прво да дознаете кога луѓето во вашето семејство првпат добиле заби бидејќи може да испадне дека тоа е само наследна карактеристика.
