Царскиот рез е побезбеден начин на породување во случаи кога мајката има некои медицински или физички проблем поради кој вагиналното породување би било несигурно или потенцијално штетно за бебето и за мајката.
Опоравувањето од царски рез обично минува без компликации и трае подолго од оправувањето од вагинално породување (4-6 недели). При царскиот рез се сечат слоеви на мускулите на кои им е потребно време да заздрават и повторно да се спојат.
Ова се неколку совети од стручњаци за што подобро и побрзо се опоравите.
Прошетка
Откако лекарот чќе ви даде зелено светло за вежбање, слободно појдете на кратки прошетки од 30 минути. Пешачењето може да ве ослободи од гасови, да ја зголеми циркулацијата, да го намали ризикот од крвни згрутчувања, да ја подобри функцијата на цревата и да помогне телото да се опорави.
Храна
Ограничете го внесот на намирници, како црвено месо, бел леб и пржена храна. Јадете повеќе противвоспалителни намирници како бобинки, кељ, брокула, јаткасти плодови и семки. Храната богата со аминокиселини, како пилешко месо и лосоос, исто така може да помогне во регенерација на ткивото.
Одмор
Одморот е важен по секоја сериозна операција, а царскиот рез не е исклучок. Секако, не е лесно да спиете кога имате новороденче дома. Во идеален случај, мајката би требало да се обиде да спие кога спие и детето.
Опстипација
По царскиот рез, новата мајка, поради хормоналните промени и уморните стомачни мускули, може да биде изложена на ризик од запек. Тоа не само што може да биде болно, туку може и да му наштети на резот, односно раната. Затоа, треба да се пие многу вода, да се јаде храна богата со влакна (чиа, ленено семе, темно чоколадо, леќа, бадеми, авокадо, малини, јаболка, цвекло, морков…)
Инфекции
По хирушкиот зафат, важно е сами да ги следите знаците на инфекција. Треба да ја проверувате телесната температура секои 24 часа и внимавајте на отоци, интензивна болка, црвенило или треска. Ако се јават овие симптоми, обратете се кај лекар.
