Нова студија објавена во списанието Nature Communications обезбедува директни докази дека употребата на антидепресиви за време на бременоста може да влијае на развојот на мозокот на детето и да придонесе за ризик од нарушувања на менталното здравје подоцна во животот.
Студијата се фокусирала на ефектот на флуоксетин, кој најчесто се користи за лекување на депресија и перинатална депресија, врз префронталниот кортекс во развој. Со оглед дека флуоксетинот делува на зголемување на нивото на серотонин во мозокот, научниците го набљудувале влијанието на серотонинот врз развојот на префронталниот кортекс кај фетусот.
Иако е познато дека серотонинот игра улога во развојот на мозокот, механизмите одговорни за ова влијание, особено во префронталниот кортекс, се нејасни. Префронталниот кортекс, најразвиениот регион на мозокот, игра централна улога во когницијата од највисок ред.
Според мислењето на аучниците, ова истражување открива специфични процеси на синаптичко ниво кои објаснуваат како серотонинот придонесува за развојот на оваа важна регија на мозокот при раната изложеност на флуоксетин.
Извор: Nature Communications
