Хрватскиот научник и директор на Институтот за биохемија (IBC2) во Франкфурт, Иван Џикиќ со неговиот тим открија потенцијална слаба точка на новиот коронавирус што ќе овозможи двојна терапевтска стратегија – запирање на ширењето на вирусот и зајакнување на имунолошкиот одговор на вирусот.
„Пронајдовме хемиски инхибитори кои можеме целно да ги уништиме и да добиеме двојна терапија – од една страна го уништуваме вирусот во човечките клетки, а од друга страна човечките клетки го стимулираат антивирусниот одговор така што ги уништуваат и оние вируси кои се сè уште присутни во организмот“, вели Џикиќ. „Тој концепт и нова идеја никој не го тестираше. Ние сме први кои имаме можен лек кој ќе има двоструко влијание – и на вирусот и на поттикнување на имунолошкиот одговор“, изјави Џикиќ за Дневникот на хрватска Нова ТВ, пренесува Хина.
Ова е шанса првпат да создадеме нешто што е уникатно и фокусирано на вирусниот ензим и врз основа на тоа можеме да создадеме поефикасен и специфичен лек за овој вид вирус
Тој додаде дека ова откритие е голем чекор кон пронаоѓање на лек. „Не можеме да успееме во лекувањето на Ковид-19 ако не знаеме ништо за коронавирусот“.
Досега во лекувањето на тешко болните пациенти се користени лекови произведени за третман на други болести, но како што посочува Џикиќ, се уште не постои ниту еден лек кој се покажал ефикасен кај критичните клинички испитувања.
„Ова сега е шанса за првпат да создадеме нешто што е уникатно и фокусирано на вирусниот ензим и врз основа на тоа можеме да создадеме поефикасен и специфичен лек за овој вид вирус“, посочи тој.
Идејата беше да се најде слабата точка на вирусот, а не лекот
Проектот произлезе од идејата како да се пронајде „Ахиловата пета“, односно слабата точка на коронавирусот, а не лекот, рече Џикиќ. За два месеци и во соработка со девет лаборатории од Германија и Холандија, тие успеаја да ја откријат тајната – каде е вирусот слаб.
Додека немаме вакцина, мора да сториме сè што можеме за да најдеме лек што ќе помогне вирусот поспоро да се шири, луѓето да имаат послаби симптоми и да се заштитат ранливите групи
За овој потфат, Џикиќ на својот профил на Твитер изјави дека тоа е најдоброто искуство во неговата кариера, кое барало исклучителен тимски напор.
„Следниот чекор е што поскоро да се пренесат овие основни информации во квалитетно научно истражување. Пред 4 дена прочитавме во списанието „Science“ дека во Њујорк веќе се води едно клиничко испитување во кое се прави обид да се уништи токму вирусниот ензим кој ние го откривме“, рече хрватскиот научник.
Тој вели дека ќе се провери дали точно делува и на откриениот ензим лекот кој се тестира на клиниката во Њујорк. „Ако делува, тогаш имаме бум, имале две големи откритија“, посочи тој. Во спротивно, доколку тој лек не делува на ензимот, потрагата за нов лек би можеле да траат од 6 до 12 месеци.
Професорот Џикиќ смета дека единствено вакцината може да ја запре оваа пандемија. „Додека немаме вакцина, мора да сториме сè што можеме за да најдеме лек што ќе помогне вирусот поспоро да се шири, луѓето да имаат послаби симптоми и да се заштитат ранливите групи“, заклучува Иван Џикиќ. (Хина/Нова ТВ)
