Секој може да се зарази со коронавирус, но немаат сите исти симптоми. Повеќето имаат благи симптоми кои можат да се третираат дома во самоизолација, додека помал број на заразени имаат потреба од хоспитализација. Добивањето на позитивен резултат на тестот за коронавирус и одењето во самоизолација е првиот чекор, но што потоа?
Бидејќи COVID-19 првенствено се шири од личност до личност преку близок контакт, важно е да се изолирате што е можно повеќе од другите членови на домаќинството. Делењето на домот додека имате COVID-19 може да биде незгодно, особено ако живеете на мал простор
Исто како што не постои вакцина за COVID-19, не постои ниту специфичен лек што ќе го забрза исчезнувањето на симптомите. Но, постојат чекори што можете да ги преземете за да се чувствувате подобро и покрај непријатните симптоми. За самолекување на симптомите на COVID-19 дома, „Health“ поддржан од советите на Houston Methodist Leading Medicine препорачува да се фокусирате на:
Доволно одмор. Додека се борите со коронавирусот, телото работи напорно, затоа е потребно да се одморате, така што организмот ќе има доволно енергија потребна за да ја заврши работата.
Внесувајте доволна количина на вода. Бидете сигурни дека сте добро хидрирани бидејќи тоа може да ублажи неколку симптоми. Треската обично е придружена со зголемено потење, а пиењето многу вода може да ја надополни водата што ќе ја изгубите, спречувајќи дехидрација. Ако имате сува кашлица, лажичка мед во топла вода или чај ќе го смири грлото. Топол пијалок исто така ќе помогне во излачувањето на секрет од носот. Покрај тоа, обезбедувањето добра хидратација може да му помогне на имунолошкиот систем во борбата против вирусот.
Користете лекови без рецепт кога е потребно. Ако имате висока температура, можете да земате лекови за симнување на температурата. Ако имате болки, воспалено грло или силна кашлица, средство за ублажување на болката може да помогне да се намали непријатноста што ја предизвикуваат овие симптоми. Доколку ги земате овие лекови, земајте ги според упатствата или препораката на вашиот лекар.
Запомнете дека самоизолацијата значи буквално да не ја напуштате куќата. Ако ви требаат лекови или други работи, порачајте ги со бесконтактна достава или замолете ги роднините или пријателите да ви ги остават потребните предмети пред вашата врата.
Симптомите кои доаѓаат со лесен до умерен случај на COVID-19 може да траат од неколку дена до неколку недели или подолго со тоа што повеќето луѓе се опоравуваат во рок од две недели. Во меѓувреме, покрај горенаведените чекори, погрижете се да ја следите тежината, сериозноста на симптомите и да го препознаете влошувањето за да побарате итна лекарска помош.
Кога симптомите на COVID-19 се сметаат за тешки?
Ако имате какви било прашања или ви треба совет или мислење за сериозноста на симптомите, јавете се кај вашиот матичен лекар. Покрај тоа, бидете свесни дека лесните или умерените симптоми можат да прераснат во сериозни, тешки симптоми или компликации. Важно е да се следи влошувањето на симптомите и да се побара итна помош доколку се појави кој било од наведениве знаци:
- Тешкотии при дишењето;
- Постојана болка во градите;
- Невозможно да се остане буден;
- Сини усни или лице.
Запомнете дека самоизолацијата значи буквално да не ја напуштате куќата. Ако ви требаат лекови или други работи, порачајте ги со бесконтактна достава или замолете ги роднините или пријателите да ви ги остават потребните предмети пред вашата врата
Како да се осигурате да не ги заразите другите членови во своето домаќинство?
Бидејќи COVID-19 првенствено се шири од личност до личност преку близок контакт, важно е да се изолирате што е можно повеќе од другите членови на домаќинството. Делењето на домот додека имате COVID-19 може да биде незгодно, особено ако живеете на мал простор.
- Избегнувајте физички контакт со членовите на домаќинството, вклучувајќи и домашни миленичиња;
- Не подготвувајте храна за другите;
- Избегнувајте делење на заеднички простори и лични предмети;
- Носете маска додека другите се во ваша близина и измијте ги рацете пред и по секоја интеракција;
- Престојувајте во посебна спална соба и користи посебна бања ако е можно.
