Во последните 20 дена, бројот на деца заразени со коронавирус во САД е зголемен за 20%. Како што пишува „People“, од почетокот на август па досега во САД се регистрирани дури 74.160 нови случаи на COVID-19 меѓу децата. Иако бројката не е занемарлива, сите деца имаат лесни симптоми, а има и многу асимптоматски случаи.
Досегашното искуство покажа дека болеста предизвикана од овој вирус е генерално многу блага кај децата, барем кога станува збор за физичките симптоми. Од друга страна, пак, неизвесноста поради пандемијата, загриженоста на родителите, постојаното известување за бројот на заразени, психозата која се создаде, неможноста за дружење со врсниците…, сето ова може да остави бројни последици врз психата на децата
Зголемувањето на случаи на коронавирусна инфекција кај децата се случува откако во неколку држави започна новата учебна година, некаде со мерки на социјална дистанца, некаде и без нив. На пример, во Џорџија, каде од граѓаните не се бара да носат маски во заеднички простории, стотици ученици, наставници и друг персонал биле изложени на вирусот и морале да одат во карантин, а најмалку три училишта биле привремено затворени по зголемувањето на заразените случаи.
Во државата Мисисипи во моментов има 4.000 ученици и околу 600 наставници во карантин, но властите таму велат дека зголемувањето на случаите со коронавирус не е загрижувачко, и дека со оглед на вкупниот број на ученици, од кои повеќето сè уште одат на настава, тие се задоволни од ситуацијата.
Повеќе од 5,8 милиони луѓе се заразени со коронавирус во САД досега.
Иако коронавирусот е сè уште енигма, досегашното искуство покажа дека болеста предизвикана од овој вирус е генерално многу блага кај децата, барем кога станува збор за физичките симптоми. Од друга страна, пак, неизвесноста поради пандемијата, загриженоста на родителите, постојаното известување за бројот на заразени, психозата која се создаде, неможноста за дружење со врсниците…, сето ова може да остави бројни последици врз психата на децата.
