Со оглед на ризичната бременост и фактот дека има 44 години, ријалити ѕвездата била под строг лекарски надзор.
Кортни Кардашијан и нејзиниот сопруг, музичарот Тревис Баркер, на 1 ноември станаа родители на момчето Роки Тринаесет. Но, неговото зачнување и целата бременост не биле воопшто лесни. И покрај процедурите за вештачко оплодување, Кортни не можела да забремени, а потоа за среќа, на 44-годишна возраст, забременила по природен пат. Првичната среќа ја заменил шок – поради здравствени проблеми, фетусот бил итно опериран.
„Беше страшно. Порано или подоцна ќе навлезам во детали бидејќи се надевам дека тоа би можело да им помогне на другите, но сè уште не се чувствувам подготвена да зборувам за тоа, бидејќи беше навистина страшно“, изјави таа за италијанскиот Vanity Fair, додавајќи дека за неа се грижел цел тим на лекари.
Веќе во првите неколку месеци од бременоста и поставиле бројни ограничувања.
„Без вежбање, без пилатес, без кофеин и без патување со авион. И без сексуални односи!“, открила мајката на три поголеми деца кои ги имала со поранешниот партнер Скот Диси.
„Веднаш по операцијата стигнав до точкакога се препуштив и престанав да се грижам. Сега разговарам со бебето секој ден, имам позитивен начин на размислување, ја држам главата исправено и многу се молам“, изјавила Кортни.
„Се чувствувам навистина среќна и благодарна. Имам голема благодарност. Не дека претходно не сум ја имала, но можеби, бидејќи ми беше лесно, бременоста ја земав здраво за готово“, додава таа.
