Дали носењето маски како заштита од Ковид-19 може да им наштети на децата?
Не, не постојат научни докази кои покажуваат дека маските предизвикуваат штета на здравјето на децата и покрај неоснованите тврдења кои го сугерираат спротивното, а најчесто циркулираат на социјалните медиуми.
Меѓу неоснованите аргументи е дека маските можат да ги поттикне микробите ако станат влажни или предизвикаат нездраво ниво на јаглерод диоксид. Но, експертите велат дека рутинското перење на маските ги одржува безбедни и чисти.
Има многу докази дека носењето заштитни маски е клучна компонента за да ги направи училиштата побезбедни
Некои тврдат дека малите деца пропуштаат важни визуелни и социјални знаци што го подобруваат учењето и развојот кога нивните соученици и наставници носат маски. Но, други забележуваат дека децата со оштетен вид или слух учат да се прилагодуваат и дека тоа можат да го направат и другите деца.
„Не знаеме со сигурност дека маските немаат развојни ефекти, но знаеме дека има негативни ефекти ако не се обидуваме да го запреме преносот на вирусот“, вели д-р Емили Леви, експерт за критична нега и контрола на инфекции во клиниката „Мајо“.
Постојат силни докази дека маскирањето на децата во училиштата може да го намали преносот на Ковид-19 кај други деца и возрасни, особено кога е во комбинација со физичко дистанцирање и други превентивни мерки.
„Едно нешто што знаеме за превенцијата, за контролата на инфекции е дека нема една поединечна интервенција која е добитна на крајот на денот“, рече д-р Џошуа Шафзин, директор за превенција и контрола на инфекции во Детската болница Синсинати.
Но, тој истакна дека има многу докази дека носењето заштитни маски е клучна компонента за да ги направи училиштата побезбедни.
За да се избегне иритација на кожата, лекарите предлагаат редовно перење на маските, осигурувајќи се дека се вклопуваат правилно и избирање маски направени од мека ткаенина што дише. (АП)
