Двомесечно доенче со дијагноза КОВИД-19 покажало знаци на реверзибилни повреди на срцето и затајување на срцето, покажува нов приказ на случај на дете со коронавирус. Презентацијата и клиничкиот тек на овој случај е сличен на случаеви на акутна повреда на миокардот, забележана кај возрасни пациенти со КОВИД-19.
Повеќето деца со КОВИД-19 или се асимптоматски или имаат благи симптоми, но овој случај покажал потенцијал за реверзибилна повредна на миокардот кај новороденче со КОВИД-19, па поради тоа тестирањето на новиот коронавирус кај деца кои имаат знаци и симптоми на затајување на срцето е многу важно, оти се дознава повеќе за влијанието на вирусот.
Доенчето во овој случај се гушело и имало сина боја на кожата по хранењето, но претходно немало температура, кашица, симптоми на инфекција на горните дишни патишта, пролив, повраќање или послаб апетит.
Првиот тест на КОВИД-19 бил негативен, но контролниот се покажал позитивен. ЕКГ покажало повреда на срцето по висруна инфекција и симптоми на затајување на срцето што се влошиле од инфекцијата. Треба да се нагласи дека други тестови ги исклучиле сите останати причини за оваа срцева тегоба.
Ваква повреда на миокардот може да се воочи кај друи 20 до 28 проценти од возрасните пациенти со КОВИД-19, кои веќе имаат кардиоваскуларна болест.
