Со зголемувањето на бројот на случаи на Ковид-19, лекарите ширум светот се соочуваат со нови предизвици во дијагностицирањето на болеста. Симптомите кои некогаш беа карактеристични стануваат ретки, а новата клиничка слика опфаќа блага болест концентрирана во горните дишни патишта.
Иако новите симптоми на Ковид-19 изгледаат поблаги, лекарите предупредуваат дека луѓето не треба да го игнорираат моменталниот пораст на инфекции
Иако сувата кашлица и губењето на чувството за вкус или мирис некогаш беа вообичаени симптоми на Ковид-19, лекарите сега забележуваат поинаква клиничка слика. Болното грло обично е на прво место, а потоа следува затнатиот нос. Д-р Ерик Ејтинг од „Mount Sinai Downtown“ во Њујорк опишува дека симптомите почесто се поврзани со настинка или алергии, вклучувајќи назална конгестија, кивање и благо воспалено грло, пишува „NBC News“.
Изменетите симптоми може да се припишат на високите нивоа на имунитет кај популацијата, предизвикани од вакцинација и претходни инфекции. Д-р Ден Барух од медицинскиот центар „Beth Israel Deaconess“ во Бостон истакнува дека сериозноста на Ковид-19 сега е помала отколку пред една или две години, поради повисоките имунолошки одговори
Студијата Zoe COVID Symptom од Обединетото Кралство, исто така, ја документира оваа промена во симптомите. Откако варијантата омикрон стана доминантна, болките во грлото станаа почести, додека губењето на мирис стана помалку распространето. Исто така, стапката на приеми во болница е намалена во однос на претходните периоди.
Лекарите опишуваат нов образец на симптоми на Ковид-19 кои вклучуваат болки во грлото, главоболка, замор, болки во мускулите, треска и „капење“ на носот што може да доведе до кашлање. Иако кашлицата не е примарен симптом, некои пациенти ја доживуваат. Заморот и болките во мускулите обично траат неколку дена, додека запушениот нос може да трае со недели.
Губењето на осетот за вкус или мирис сега е поредок симптом и се јавува само кај помал број пациенти. Во споредба со раните денови на пандемијата, кога овој симптом беше изразен кај повеќето заразени луѓе, сега е присутен само кај 10-20 проценти од пациентите.
Покрај тоа, дијарејата, која порано беше вообичаен симптом, сега се појавува поретко. Повеќето пациенти закрепнуваат без потреба од антивирусни лекови.
Губењето на осетот за вкус или мирис сега е поредок симптом и се јавува само кај помал број пациенти. Во споредба со раните денови на пандемијата, кога овој симптом беше изразен кај повеќето заразени луѓе, сега е присутен само кај 10-20 проценти од пациентите
Лекарите забележале дека многу од пациентите со Ковид-19 кои се појавуваат во собата за итни случаи се помлади и обично имаат благи симптоми, вклучувајќи кашлица, течење на носот, болки во грлото и треска. Повеќето од нив се опоравуваат дома со симптоматска нега.
Овие изменети симптоми може да се припишат на високите нивоа на имунитет кај популацијата, предизвикани од вакцинација и претходни инфекции. Д-р Ден Барух од медицинскиот центар „Beth Israel Deaconess“ во Бостон истакнува дека сериозноста на Ковид-19 сега е помала отколку пред една или две години, поради повисоките имунолошки одговори.
Иако новите симптоми на Ковид-19 изгледаат поблаги, лекарите предупредуваат дека луѓето не треба да го игнорираат моменталниот пораст на инфекции. Долготрајниот Ковид исто така, продолжува да се јавува, со симптоми како што се забрзан пулс и нетолеранција на вежбање. Затоа, и понатаму е важнос да преземете мерки на претпазливост за да се заштитите од вирусот.
