“Иако некои експерти ќе речат дека SARS-CoV-2 е само ‘уште еден грип’, тоа не е вистина“, пишува во трудот на научниците од Медицинскиот факултат на Харвард и Универзитетот Емори, кој е објавен во угледното американско списание JAMA Internal Medicine.
Откако новиот коронавирус е откриен на почетокот на јануари, луѓето го споредуваа со грипот, нагласувајќи дека грипот секоја година предизвикува смрт на илјадници луѓе само во САД. И навистина, Центарот за контрола и превенција на болести проценува дека од септември 2019. до април 2020. во САД од грип починале 62.000 лица.
На прв поглед оваа бројка може да се чини слична со последиците од КОВИД-19, кој до почетокот на мај во САД однесе 65.000 животи, а во меѓувреме починале повеќе од 90.000 лица. Но, тоа не се поклопува со она на што медицинските служби наидуваат во секојдневната борба со пандемијата, особено во подрачјата како што е Њујорк“ каде владее недостиг на респиратори и многу болници це оптоварени над своите граници“, истакнале авторите на студијата.
Оваа споредба е погрешна, сметаат авторите, бидејќи проценките за смртноста од грип на Центарот за контрола и превенција на болести се само проценки, а не сурови бројки. Центарот, додаваат истражувачите, не знае точно колку луѓе секоја година во САД заболуваат или умираат од грип. Таа бројка се проценува на основа на податоци за хоспитализација во 13 сојузни држави.
Од друга страна, пријавените смртни случаи од КОВИД-19 се всушност вистинска бројка на лица кои починале од болеста, а не проценка. Со други зборови, споредбата на процена на смртност од грип со прецизни бројки на починати од КОВИД-19 е како да споредување јаболки и круши, сметаат авторите на студијата.
