Болката во раката е типичен несакан ефект на вакцината против Ковид-19 и може да има чудни и збунувачки форми. Додека некои луѓе чувствуваат само болка, други имаат прободувачка болка која се движи од раката надолу по должината на страната на телото, болка која се движи кон рамената или дури и болка што се претвора во трнење во рацете.
Постои прилично едноставно објаснување зошто луѓето чувствуваат болка околу местото на инјектирање. Ешли З. Ритер, постдокторант на Универзитетот во Пенсилванија и главен клинички директор на „Dear Pandemica“, вели дека тоа е чест несакан ефект на која било вакцина. Инјектирањето на вакцината во мускулот на раката го стимулира имунолошкиот систем.
Помладите луѓе, кои имаат поактивен имунолошки систем, се чини дека имаат и поинтензивни симптоми. Но, дури и ако воопшто нема симптоми, вакцината, сепак, делува. Многу луѓе во клинички испитувања на вакцините воопшто немале несакани ефекти и сè уште биле заштитени
„Кога таа течност влегува во мускулот, телото на тоа подрачје испраќа гласници, бели крвни клетки и лимфна течност како би се изградил имунолошки одговор. Токму тоа е она што сакаме да се случи, но може да биде малку непријатно. Голем дел од болката што ја чувствувате е активност што се одвива во вашето тело“, објаснува Ритер.
Зголемената течност во лимфните јазли во близина на местото на инјектирање често предизвикува болка во мускулите, а понекогаш и во пазувите или дојките.
Отечен лимфен јазол може да се појави на мамографија, па експертите препорачуваат оваа постапка да се избегнува некое време по приемот на вакцината.
Но, што е со прободувачката болка или болка која се шири?
„Ако на тоа подрачје се развие воспаление, може да се појави оток околу нервите кои потоа испраќаат прободувачка болка низ раката. Понекогаш белите крвни клетки и другите гласници кои учествуваат во реакцијата на организмот на вакцината можат да влезат во крвотокот. Тоа може да предизвика каскада на невролошки и имунолошки функции“, вели Ритер.
Чувството на болка на невообичаени места, дури и подалеку од раката, е сосема нормална работа. Во ретки случаи, се јавува чувство како телото да се менува, но тоа не е причина за загриженост. Кога имунолошкиот одговор и отокот ќе се повлечат, за неколку часа до неколку дена болката ќе исчезне. Ако болката е навистина силна, се предлага да се чека 12 часа за телото да развие целосен имунолошки одговор, а потоа да се земе лек против болки. Ако симптомите значително влијаат на способноста за функционирање и ако се надвор од опсегот на очекувани несакани ефекти, треба да се контактира со лекар, советува Ритер.
„Мислам дека не е проблем ако луѓето чувствуваат болка во раката, главоболка, гадење и други симптоми, бидејќи се работи за краткотрајни реакции. А смртта е конечна. И затоа се исплати да се вакцинираме, дури и ако потоа не се чувствуваме најдобро, вели Шерил Рецинос, лекарка од Лос Анџелес
Овие несакани ефекти не се карактеристични само за вакцината против Ковид-19 и може да се појават кај која било вакцина за возрасни. Но, бидејќи вакцината против Ковид-19 е широко распространет друштвен феномен, нејзините несакани ефекти се во фокусот на вниманието.
„Добро е што луѓето зборуваат за тоа. Комуникацијата за очекуваните симптоми на обновување на имунолошкиот систем е важна за одржување на довербата и транспарентноста на јавноста“, вели Ритер.
Исто така може да биде корисно да не заборавате дека реакцијата на организмот на вакцината може да биде различна. Ако се чувствувате како да сте единствената личност со одредени, чудни потешкотии по вакцинирањето, тоа не значи дека нешто не е во ред со вас или дека сте направиле нешто погрешно. Ритер го споредува ова со возење ролеркостер – на некои им се лоши, а на други не. Помладите луѓе, кои имаат поактивен имунолошки систем, се чини дека имаат и поинтензивни симптоми. Но, дури и ако воопшто нема симптоми, вакцината, сепак, делува. Многу луѓе во клинички испитувања на вакцините воопшто немале несакани ефекти и сè уште биле заштитени.
„Мислам дека не е проблем ако луѓето чувствуваат болка во раката, главоболка, гадење и други симптоми, бидејќи се работи за краткотрајни реакции. А смртта е конечна. И затоа се исплати да се вакцинираме, дури и ако потоа не се чувствуваме најдобро“, изјави Шерил Рецинос, лекарка од Лос Анџелес за магазинот „Слејт“.
