♦♦♦♦♦♦♦
Лекарите велат дека се пренатрупани со повици од луѓе чиј единствен знак на коронавирусот се модринки, осип и лезии на стапалата. Мистериозниот симптом се нарекува „Ковид прсти“ и првенствено е забележан кај децата и тинејџерите.
Розовите и виолетовите прсти за прв пат беа забележани кај заразените луѓе во Европа, пред се, во Шпанија, Италија и Франција
Уште поизненадувачки е тоа што „Ковид-прстите“ се јавуваат во отсуство на други вообичаени симптоми на коронавирус како што се треска, кашлање и недостаток на здив.
И покрај зголемениот број случаи во САД и во светот, осипите не се вклучени во официјалниот список на симптоми на Американскиот центар за контрола и превенција на болести.
Д-р Линди Фокс, дерматолог од Универзитетот во Калифорнија Сан Франциско, изјави за Фокс 5 дека видела „многу, многу луѓе“ со „Ковид-прсти“. „Речиси премногу за да се бројат“, изјави таа за локалната новинска станица. „Дерматолозите се преплавени со повици од луѓе кои велат: „Што се овие виолетови промени на моите прсти на нозете?“
Розовите и виолетовите прсти за прв пат беа забележани кај заразените луѓе во Европа, пред се, во Шпанија, Италија и Франција.
Зошто луѓето развиваат осип и промена на бојата на кожата на нозете?
Лекарите велат дека е вообичаено луѓето да развијаат осип кога се борат со инфекции, особено вирусни респираторни инфекции како КОВИД-19. Се уште е нејасно што ја предизвикува реакцијата на кожата, но може да бидат неколку причини, вклучително и мали згрутчувања во крвните садови на прстите или одговор на антибиотици.
Бидејќи има толку многу различни видови на осип кај пациентите, не постои конкретен вид на осип што директно се поврзува со КОВИД-19. Лекарите велат дека „Ковид прстите“ обично поминуваат за околу една недела без да остават долгорочно оштетување на кожата. Меѓутоа, ако забележите осип на стапалото, спонтано и без други симптоми, веднаш контактирајте го вашиот лекар од примарната здравствена заштита, пишува „Дејли мејл“.
