Ова воспаление главно ги зафаќа слузниците на носот, грлото и гркланот. Можно е ларингитисот да вклучува и воспаление на долниот респираторен тракт, односно слузницата на душникот и бронхиите. Најчесто поминува за неколку дена, но постои и можност за хроничен ларингитис кој може да предизвика потешкотии.
Кога ќе се појават болки во грлото, треба да се преземат чекори за лекување што е можно поскоро за воспалението да не се интензивира и да не предизвика хроничен ларингитис кај децата. Лекувањето се спроведува со терапија, мирување и намалување на покачената телесна температура
Што предизвикува ларингитис и како да го спречите?
Со оглед на тоа што децата во градинка и училиште се во постојан близок контакт и допираат сè, а потоа ја допираат и устата, не е необично што ова е еден од почестите проблеми токму во доба на градинка и училишна возраст.
Најчеста причина за ларингитис кај децата е респираторен вирус, вирус на грип, аденовирус или респираторен синцицијален вирус. Ова е воедно и причината зошто ларингитисот најчесто се јавува во постудените месеци. Бактериите исто така можат да бидат и причина за ларингитис, во тој случај се работи за многу посериозна болест. Бактерискиот ларингитис е многу поредок, но поопасен бидејќи се работи за суперинфекција.
Хроничниот ларингитис е посериозна состојба која трае подолго и има појачани симптоми, а се јавува доколку акутниот ларингитис не бил лекуван или ако не бил лекуван навреме. Хроничниот ларингитис може да биде предизвикан и од пушење, алкохол, загаден воздух, ГЕРБ и прекумерна употреба на грлото и гласните жици.
Симптоми на ларингитис кај деца
По инфекцијата, воспалението на гркланот се развива во рок од една недела. Тогаш почнуваат да се појавуваат јасни и препознатливи симптоми на ларингитис кај децата. Со оглед на тоа дека воспалението резултира со стеснување на дишните патишта и отежнато дишење, зарипнатоста и силната кашлица се меѓу првите симптоми.
Една од најважните работи што родителот треба да ги знае кога детето ќе доживее воспаление на гркланот е да научи да го смири. Смирувањето на детето со ларингитис нема да биде лесно, особено среде ноќ кога ќе го разбуди кашлица. Смирете го детето така што ќе го ставите во седечка положба со подигнат горен дел од телото. Ставете го во скут, подигнете му го телото и тешете го
Освен тоа, останатите симптоми наликуваат на настинка, но се поинтензивни, иако не се премногу изразени.
Најчести симптоми на ларингитис кај децата:
- Благо до умерено покачена температура;
- Секрет од носот ;
- Болки во грлото;
- Зарипнатост;
- Кашлица која звучи како куче што лае;
- Звучно и отежнато дишење;
- Кашлица што ве буди од сон.
Нејзин најчест симптом е силната кашлица која ги буди децата од сон и ги вознемирува бидејќи создава чувство на отежнато дишење, а потоа, следствено, и посилна кашлица.
Кај спастичен субглотичен ларингитис, кој се јавува независно од акутните инфекции, симптомите може да се појават во летните месеци и тоа сосема ненадејно. Меѓутоа, во овој случај нема знаци на воспаление на горниот респираторен систем, туку детето има зарипната (рапава) кашлица и тешко дише. Оваа состојба може да се појави и поради генетски предиспозиции.
Симптомите на бактериски ларингитис кај децата се поинтензивни и многу потешки од оние кај вирусна инфекција. Ова се најчестите симптоми на бактериски ларингитис:
- Општа лоша состојба на организмот;
- Недостаток на сила, слабост;
- Висока телесна температура;
- Тешка зарипната (рапава) кашлица;
- Отежнато дишење;
- Гноен секрет.
Третман на ларингитис кај деца
Кога ќе се појават болки во грлото, треба да се преземат чекори за лекување што е можно поскоро за воспалението да не се интензивира и да не предизвика хроничен ларингитис кај децата. Лекувањето се спроведува со терапија, мирување и намалување на покачената телесна температура. Лекови кои може да му се дадат на детето се инхалациски адреналин и кортикостероиди. Овие лекови ќе го намалат отокот на слузницата и ќе овозможат полесен проток на воздух и ќе го намалат воспалението. Ретко е потребно болничко лекување и децата обично се испраќаат на домашна нега.
Во некои случаи, бактерискиот ларингитис кај децата бара интубација за одржување на дишните патишта. Вашиот лекар ќе ве упати на третман на ларингитис кај деца, а не се препорачува на своја рака да се даваат лекови, ниту да се даваат антихистаминици (лекови против алергија).
Една од најважните работи што родителот треба да ги знае кога детето ќе доживее воспаление на гркланот е да научи да го смири. Детето ќе се плаши бидејќи нема да може да дише како и обично, што ќе предизвика дополнително кашлање и со тоа ќе создаде маѓепсан круг.
Смирувањето на детето со ларингитис нема да биде лесно, особено среде ноќ кога ќе го разбуди кашлица. Смирете го детето така што ќе го ставите во седечка положба со подигнат горен дел од телото. Ставете го во скут, подигнете му го телото и тешете го.
Навлажнувајте ги просториите во кои престојува детето и не дозволувајте пушење цигари во негова близина. Можете да го навлажнете просторот со помош на дифузер или со држење вода на радијаторите. Во водата можете да додадете до три капки есенцијално масло, но не претерувајте за воздухот да не биде премногу задушлив.
