Згрутчувањето на крвта може да значи големи проблеми, особено ако се појави во длабоките вени во близина на вашите мускули. „Кога тромбите ќе се создадат длабоко во системот, можат да бидат болни и опасни“, вели д-р Луис Наваро, основач на „The Vein Treatment Center“ во Њујорк, за списанието „Men’s Health“.
Ако со необјаснета кашлица имате отежнато дишење, забрзано чукање на срцето или болка во градите, тоа може да укажува на белодробна емболија. „Кашлицата ќе биде сува, а понекогаш луѓето можат да искашлуваат слуз и/или крв“, вели д-р Наваро
Овој тип на згрутчување се нарекува венска тромбоза. Тромбите се како блокатори кои го спречуваат протокот на крв, а работата може да стане комплицирана ако тромбот се оддели од местото на кое настанал и отпатува до белите дробови. Тогаш зборуваме за белодробна емболија, која може да ги оштети белите дробови и другите органи и да биде фатална.
Д-р Наваро вели дека „важно е да се препознаат симптомите на згрутчување на крвта, бидејќи тие можат да се предвидат, а брзото откривање е клучно за успешно лекување“.
Подолу се знаците на кои треба да внимавате.
Оток на еден екстремитет
Отечена нога или рака е еден од најчестите симптоми на згрутчување на крвта. Д-р Наваро објаснува: „Тромбите може да го блокираат здравиот проток на крв во нозете, па таа може да се насобере зад тромбот и да предизвика отекување“.
Мозокот е чувствителен на промени во кислородот и протокот на крв, така што во случај на тромб може да се појави вртоглавица и чувство на несвестица. Иако ова не е премногу чест симптом на згрутчување на крвта, тој сепак се јавува
Болка во нозете или рацете
Згрутчувањето на крвта обично доаѓа во комбинација со други симптоми како што се оток или црвенило. „Болката предизвикана од тромб лесно може да се помеша со грч или напнатост во мускулите, поради што проблемот останува недијагностициран и е опасен“, предупредува д-р Наваро.
Црвенило на кожата
Тромбот не можете да го видите. Можеби ќе забележите промена на кожата како модринка или црвенило. Исто така, местото каде што се јавува промената може да биде топло на допир.
Болка во градите
Можеби ќе помислите на срцев удар поради болка во градите, но тоа всушност може да биде и симптом на белодробна емболија. „Симптомите се слични, но болката кај емболијата е остра и прободувачка, а најмногу се чувствува при длабок здив“, додава д-р Наваро и советува во овој случај веднаш да повикате брза помош.
Тромбот не можете да го видите. Можеби ќе забележите промена на кожата како модринка или црвенило. Исто така, местото каде што се јавува промената може да биде топло на допир
Отежнато дишење
Тромбот во белите дробови го забавува протокот на кислород. „Честопати нема да имате воздух да стигнете до горниот дел од скалите“, посочува неврорадиологот Џорџ П. Тејтелбаум, додавајќи дека треба брзо да побарате помош, особено ако овој симптом се појави ненадејно.
Необјаснива кашлица
Ако со необјаснива кашлица имате отежнато дишење, забрзано чукање на срцето или болка во градите, тоа може да укажува на белодробна емболија. „Кашлицата ќе биде сува, а понекогаш луѓето можат да искашлуваат слуз и/или крв“, вели д-р Наваро.
Забрзано чукање на срцето
Кога има малку кислород, отчукувањата на срцето стануваат високи. „Кај помалите тромби, срцевиот ритам делумно се зголемува како резултат на болка во градите, отежнато дишење и со тоа поврзана вознемиреност. Исто така, доаѓа до ослободување на хемикалии од ткивото на белите дробови, што доведува до зголемување на отчукувањата на срцето“, објаснува д-р Луис Нелсон од медицинското училиште „Рутгерс“ во Њу Џерси.
„Ако тромбот е поголем, тоа може да предизвика намалување на кислородот во крвта, па дури и промени во протокот на крв што доведуваат до зголемување на отчукувањата на срцето“, напоменува Нелсон.
Чувство на несвестица
Мозокот е чувствителен на промени во кислородот и протокот на крв, така што во случај на тромб може да се појави вртоглавица и чувство на несвестица. Иако ова не е премногу чест симптом на згрутчување на крвта, тој сепак се јавува. Една студија објавена во „New England Journal of Medicine“ покажала дека белодробната емболија е одговорна за околу 17% од хоспитализациите поради несвестица кај 560 испитани постари луѓе.
