Лекарите немаат добри вести за луѓето кои се заразиле со КОВИД-19 за време на претходните бранови на омикрон: повторно се подложни на инфекција со коронавирус.
Првите податоци покажуваат дека BA.5 повторно ги инфицирал луѓето кои биле заразени со претходните варијанти на КОВИД-19 во зима или рана пролет и кои извесно време имале одреден имунитет кој ги штител од нова инфекција
Се чини дека двете нови варијанти на вирусот полесно ја избегнуваат имунолошката заштита од претходните инфекции, што значи дека дури и некои кои се опоравиле од КОВИД-19 во последните месеци може да бидат повторно изложени на ризик од вирусот.
Вакцините сè уште се многу ефикасни во спречувањето на хоспитализација и смртни случаи, велат лекарите.
Подваријантите на омикрон, BA.5 и BA.4, заедно се доминантни соеви во САД, според медицинските експерти и податоците од Американскиот центар за контрола и превенција на болести.
„Во моментот, во основа секој е подложен на инфекција“, рече Емили Лендон, епидемиолог на Медицинскиот факултет на Универзитетот во Чикаго.
Со новите варијанти кои циркулираат, лекарите продолжуваат да препорачуваат луѓето да носат маски во затворени простории и да примаат бустер дози. Бустерот против КОВИД-19 е сè уште е недоволно искористен ресурс. Околу 34 отсто од луѓето на возраст над пет години примиле трета доза, според податоците на ЦДЦ.
Луѓето треба да размислат за носење маски на големи настани на отворено, препорачаа лекарите.
„На луѓето им е увртено во главата дека е магично да се биде надвор“, рече Лендон.
Многу работи се уште се непознати за долгорочното влијание на КОВИД-19 врз здравјето, велат лекарите, но има се поголеми докази дека претходните инфекции може да ги изложат луѓето на поголем ризик од други здравствени проблеми
Новите варијанти имаат „уште неколку мутации во шилестиот протеин“ што ги прави поотпорни на антителата, рече Егон Озер, специјалист за заразни болести во болницата „Нортвестерн Меморијал“.
Секоја инфекција е можност (за вирусот) дополнително да се прилагоди и да ги надмине новите одбранбени средства, рече Озер.
Фајзер и Модерна работат на вакцини специјално земајќи ги варијантите на омикрон предвид.
Озер рече дека првите податоци покажуваат дека BA.5 повторно ги инфицирал луѓето кои биле заразени со претходните варијанти на КОВИД-19 во зима или рана пролет и кои извесно време имале одреден имунитет кој ги штител од нова инфекција.
„Знам дека има луѓе кои мислат дека пандемијата е завршена. Ве уверувам, вирусот се уште не завршил со нас“, рече Озер.
Многу работи се уште се непознати за долгорочното влијание на КОВИД-19 врз здравјето, велат лекарите, но има се поголеми докази дека претходните инфекции може да ги изложат луѓето на поголем ризик од други здравствени проблеми.
„Мислам дека луѓето не го сфаќаат тоа доволно сериозно“, рече Лендон.
Колку повеќе се прави за да се контролира инфекцијата, толку се помали шансите вирусот да продолжи да мутира, нагласуваат лекарите.
„Сè уште постојат добри причини да се избегне заразата со КОВИД-19“, рече Лендон.
