Високата температура е една од најчестите причини за загриженост, но и страв кај родителите, без разлика на причината и времето кога се јавува. Инфекциите се главната причина за појава на зголемена телесна температура кај децата.
КОИ СЕ ПРИЧИНИТЕ ЗА ПОЈАВА НА ЗГОЛЕМЕНА ТЕМПЕРАТУРА ВО ЛЕТНИОТ ПЕРИОД?
Покрај прекумерното изложување на сонце, инфекциите се убедливо најчестата причина за зголемена телесна температура. И микроорганизмите (“летни“ вируси и бактерии) често доведуваат до пораст на телесната температура кај децата.
Лекарите нагласуваат дека температурата е „придружник“ на болестите, а не болест сама по себе, и затоа е важно навремено да се дијагностицира и лекува заболување (кое предизвикува скок на телесната температура), и така да се елиминира причината за фебрилноста. Сепак, додека не се открие причината, родителот треба да ја спушта температурата кај детето, која знае да е многу непријатна.
Кога треба да се намалува зголемената температура:
Температура до 38 степени (мерена под пазуви) кај најголем број деца не бара терпија на намалување. Кај деца кои инаку се здрави, се до 38,5 може да се толерира и не бара лекување.
Како да се изборите со висока температура кај детето
Кога е жешко “и внатре и надвор“ треба да му помогнете на детето, но без паника треба да ги првземете следниве едноставни мерки:
- РАЗЛАДЕТЕ ГО ДЕТЕТО – прв задолжителен чекор!
Во пријатен амбиент (најдобро е да биде 24-26 степени во собата каде престојува), разголете го детето, ако е мало оставете го во пелена, а ако е поголемо во долна облека. Не го покривајте детето додека има висока температура. Ладењето е најбрз и нејаефикасен начин за намалување на температурата, додека чекате лекот (антипиретик) да го даде саканиот ефект.
Кога се работи за многу висока температура – над 39-39,5 најдобро и најбрзо дејство е туширање на детето со млака (никако со студена) вода. Наместо туширање, може со млака вода да натопите памучна крпа и внимателно да го оросувате детето. Оставете детето да се исушо без покривање. Оваа процедура може да ја повторувате колку пати и да е потребно, за разлика од лекоите кои имаат дефинирани дозни интервали.
ЛЕКОВИ против висока температура
Антипиретиците кај повеќето деца треба да се даваат кога телесната температура е над 38,5. За изборот и користењето задолжително консултирајте се со матичниот педијатар.
КОГА НЕ Е ПОТРЕБНО ДА СЕ ОДИ НА ЛЕКАР
- Кога по давање на лекот, аксиларната (мерена под пазуви) температура “падне“ под 38 степени, а детето ќе се орасположи и ќе се врати на вообичаените активности.
- Кога детето се успало и се разбудило поради температура, а по намалувањето на температурата продолжи мирно да спие. Не го претоплувајте (доволна е тенка памучна прекривка) и следете го до утрото.
- Ако покрај зголемената температура нема други симптоми и знаци на болеста, не треба да брзате, треба да видите како ќе се однесува детето во наредните часови.
