Шведска го потврди првиот случај на инфекција со вирусот на мајмунски сипаници во четвртокот, што е исто така и прв случај на болеста надвор од Африка, само еден ден откако СЗО ја прогласи болеста за глобална вонредна здравствена состојба за јавно здравје.
Лицето се заразило во дел од Африка каде што имаше голема епидемија, изјави на прес-конференција Оливија Вигзел, генерална директорка на Шведската агенција за јавно здравје.
Најчестиот симптом е осип на кожата или лезии. Неколку дена по појавата на треска, се појавува осип кој обично започнува на лицето, а потоа се шири на другите делови од телото. Осипот преминува во папули, везикули и на крај се претвора во красти
Светската здравствена организација издаде предупредување за мајмунските сипаници, кои се пренесуваат со близок контакт, откако заразата од Демократска Република Конго се прошири во околните земји во форма на посериозен облик на болеста.
„Сега во текот на попладневните часови имаме потврда дека во Шведска имаме еден посериозен облик на мајмунски сипаници, наречен Clade I“, рече министерот за здравство и социјална заштита Јакоб Форсмед на прес-конференција.
Вигзел објасни дека лицето кое се заразило добива третман и дека примила насоки според препораките на здравствената агенција.
Симптоми
Симптомите на мајмунските сипаници се слични на оние на сипаниците, но обично се поблаги. Тие вклучуваат:
- Треска: Првите симптоми се обично треска и општо чувство на малаксаност.
- Главоболка: Честа и интензивна главоболка.
- Болки во мускулите и грбот: Чувство на болка и непријатност во мускулите.
- Замор: Општа изнемоштеност.
- Отечени лимфни јазли: Лимфните јазли може да отекуваат, што е еден од карактеристичните симптоми што ја разликуваат оваа болест од другите.
- Осип: Најчестиот симптом е осип на кожата или лезии. Неколку дена по појавата на треска, се појавува осип кој обично започнува на лицето, а потоа се шири на другите делови од телото. Осипот преминува во папули, везикули и на крај се претвора во красти.
Болеста обично трае од 2 до 4 недели и во повеќето случаи се саморегулира, но може да биде сериозна, особено кај малите деца, трудници и лица со ослабен имунолошки систем
Како се пренесува?
Мајмунските сипаници се пренесуваат преку близок контакт со заразено лице, животно или контаминирани материјали. Главните начини на пренос вклучуваат:
- Директен контакт со лезии или телесни течности на инфицирано лице или животно.
- Респираторен контакт: Иако поретко, вирусот може да се пренесе и преку капки во воздухот (како при кашлање или кивање) во случај на подолг близок контакт.
- Контаминирани површини: Вирусот може да се пренесе и преку допир на површини, предмети или облека кои биле во контакт со лезиите на заразеното лице.
Болеста обично трае од 2 до 4 недели и во повеќето случаи се саморегулира, но може да биде сериозна, особено кај малите деца, трудници и лица со ослабен имунолошки систем.
Според Американскиот центар за контрола и превенција на болести лицата со мајмунски сипаници се заразни за луѓето се додека осипот целосно не заздрави и не се формира нов слој на кожа.
Препорачливо е да се избегнува контакт со инфицирани лица и да се следат упатствата за лична хигиена и превенција.
Компликации
Компликациите може да вклучуваат тешка бактериска инфекција од кожни лезии, мајмунски сипаници што влијаат на мозокот (енцефалитис), срцето (миокардитис) или белите дробови (пневмонија) и проблеми со очите.
