Стручњаците тврдат дека една од најчестите грешки кога се во прашање младите мајки е тоа што тие сметаат дека доењето треба да дојде природно. Иако тоа донекаде е вистина, доењето сепак е вештина која треба да се научи и на која треба да се навикне. Доколку и мајката и бебето правилно го научат доењето, без проблем ќе се достигне таа посакувана бројка од шест месеци доење, па и подолго.
Клучни совети за успешно доење:
- Не верувајте во тоа дека доењето мора да биде болно и дека надразнетите ии болни брадавици се најнормална појава. Доколку бебето правилно цица, доењето не треба да биде болно.
- Научете го своето бебе да цица правилно, стиснете ја дојката со рака да поприми шпиц форма, а потоа земете го бебето и потрудете се тоа со устата да зафати што повеќе од брадавицата.
- Немојте вие да му нудите дојка на бебето, туку обратно.
- Не се обесхрабрувајте ако на почетокот имате болка. Променете ја положбата и потрудете се брадавицата да биде што подлабоко во устата на бебето, на тој начин доењето сигурно нема да биде болно.
- Бебето нека цица 8-10 пати во текот на 24 часа и бројте колку пати се го пресоблекле. Ако во текот на денот промените 6-8 пелени во првите 8 недели од животот на бебето, тоа е добар показател дека бебето добива доволна количина на млеко.
- Ако сте се обиделе се, но и натаму брадавиците ве болат, а бебето не добива доволно млеко, побарајте помош од лекар кој ќе ве посоветува што да правите. И немојте да бидете тажни ако на бебето сте принудени да му давате вештачко млеко, бидејќи не е до вас.
