Покрај респираторните вируси, во овој период од годината многу чести се и стомачните вируси. Повеќе време се поминува во колективи, во затворен простор, што создава идеални услови за делување на поедини вируси. Она што е важно е да знаеме како да разликуваме стомачен вирус од други стомачни проблеми.
Кај децата во првите години од животот, дијарејата може да биде толку тешка и да предизвика дехидрација и потреба од рехидратација во болнички услови
Стомачен вирус или гастроентеритис е воспаление на гастроинтестиналниот тракт предизвикано од вируси. Доаѓа до зголемување на количината на течност во цревата, пред се во дебелото црево, воспаленото ткиво не може да апсорбира вода ни хранливи материи, па се јавува дијареја.
Кај децата во првите години од животот, дијарејата може да биде толку тешка и да предизвика дехидрација и потреба од рехидратација во болнички услови.
Најчести вируси кои предизвикуваат „стомачен грип“ се ротавирус, норовирус, аденовирус.
Најризични групи се малите деца, старите и изнемоштени лица, лицата со ослабен имунитет и оние кои поминуваат доста време во големи колективи, како и лицата кои живеат во нехигиенски услови или недоволно се грижат за хигиената
Симптоми на кои се посветува особено внимание се следниве:
- гадење
- повраќање
- дијареја
- болки во стомакот
- покачена телесна температура
Ова се вообичаени симптоми на стомачен вирус. Но, ако се појави крв во столицата или при повраќање, мрсна столица со непријатен мирис, задолжително консултирајте се со лекар, како и ако симптомите не исчезнуваат и по неколку дена или пак се влошат.
Колку долго трае стомачниот вирус и кој е изложен на посебен ризик?
Симптомите се најизразени во првите неколку дена, по што треба да почнат да се смируваат, иако е можно да траат и до десет дена.
Најризични групи се малите деца, старите и изнемоштени лица, лицата со ослабен имунитет и оние кои поминуваат доста време во големи колективи, како и лицата кои живеат во нехигиенски услови или недоволно се грижат за хигиената.
Лекување
Нема специфични лекови, но постои симптоматска терапија која може да ги ублажи симптомите и да го забрза времето на заздравување.
Затоа се препорачува одмор, лекови за намалување на температурата, вода, супи и чаеви за спречување на дехидрација, прилагодена исхрана која подразбира јадење ориз, варени компири, тост, банани, но и употреба на пробиотици.
Во овој период треба да се избегнува масна, пржена, солена и зачинета храна, алкохол, млеко и млечни производи.
Како може да се спречи стомачниот вирус?
Пред сè, потребно е зајакнување на имунитетот, внесување доволно витамини и минерали, спроведување на хигиенски мерки кои вклучуваат почесто миење раце и дезинфекција на предмети и површини што ги користиме секојдневно.
Пробиотиците може да се земаат и превентивно во сезоната на стомачни вируси бидејќи помагаат за одржување на добра здравствена состојба, ги подобруваат имунолошките функции со одржување на нормалната желудочно-цревна функција.
