Родителите им ја покажуваат љубовта на своите деца на многу начини. Од нежни допири, прегратки, во заедничко играње и дружење, бакнежи и комплименти. Посебно е интересно да се гледа како децата ја покажуваат својата љубов кон своите родители.
- Физички допир
Освен очигледното покажување љубов во форма на прегратки и бакнежи, децата покажуваат љубов и со триење на своето лице од вашето, држејќи ве за раце и со седнување во вашиот скут. Кога ќе ве замолат да ги носите, ја одмораат главата на вашето рамо и се местат во вашата прегратка, тие ви покажуваат голема доверба и љубов.
- Мали подароци
Децата сакаат да наберат цвет или да подарат некој интересен камен на мама и тато. Некои деца ќе насликаат посебен цртеж, само за вас. Мајките често велат дека нивните џебови се секогаш полни со мали подароци, цвеќиња, шишарки, лисја и стебленца кои децата им ги подаруваат како знак на љубов.
- Убави зборови
Мајките велат дека забележуваат посебна боја на гласот кога децата им се обраќаат, поинаков од тој кога разговараат со другите. Се чувствуваат посебно сакани кога ќе им речат дека ги сакаат или дека таа е многу добра пријателка.
- Заедничко време
Кога децата сакаат родителско внимание, тоа е затоа што ги сакаат и се чувствуваат комплетни со нив. Иако понекогаш ни е фрустрирачки да слушаме илјада пати на ден дека некому му требаме и сака да си играме со него, но тоа е детски повик за љубов и копнеж за заедничко време.
Ноќни посети
Кога вашето дете во сред ноќ ќе ви дојде до соба или ќе се провлече во креветот, тоа е затоа што бара утеха во мама и тато. Можеби се плаши од темнината или сонувало лош сон, но вашата меѓусебна љубов е толку голема што детето знае дека покрај вас веднаш ќе му биде подобро.
- Помош во домот
Децата ви ја покажуваат својата љубов и со тоа што сакаат да ви помогнат во секојдневните ситуации, како подготовка на ручек или чистење со правосмукалка. Тие сакаат да ја искусат реалноста на возрасните и да бидат дел од неа, како ваша поддршка.
