Маслиновото масло е богато со монозаситени масни киселини и е исклучително корисно за здравјето на срцето и на панкреасот.
Во бебешката исхрана маслиновото масло се воведува околу шестиот месец од животот, а со оглед дека бебињата се навикнати на олеинските масни киселини кои се наоѓаат во мајчиното млеко, најслична маснотија со која треба да се продолжи е токму маслиновото масло.
Иако ова масло е исклучително здраво, треба да се биде внимателен со количината која му се дава на бебето, оти во случај на претерување може да дојде до дијареа. Кога се јаде во вистински количини, маслиновото масло му годи на целокупното здравје на бебето.
