Голема студија утврдила дека еден од 30 парови страда од познатиот термин baby blues”или постпородилна депресија за која се сметало дека може да се појави само кај новите мајки.
Оваа состојба се јавува во првата година од животот на бебето и е поткрепена со хормоналните промени кои настануваат во телото по породувањето, но и со промените во животните навики кои родителството ги носи со себе.
Психолошките ефекти од постпородилната депресија се помалку познати кај мажите, но тоа не значи дека во нивниот случај не постојат.
Студијата предводена од Универзитетот во Лондон испитувала 30.000 парови кои неодамна добиле бебе и открила дека дури 3,2 отсто од паровите во исто време страдаат од постпородилна депресија.
Симптомите на постпородилна депресија вклучуваат губење на интерес за бебето, чувство на безнадежност, раздразливост и неможност да уживате во било што. Некои страдаат и од напади на паника, анксиозност и губење на апетитот.
Магазинот „JAMA Network Open“ објави студија според која ризикот двајцата родители да страдаат од депресија во исто време се зголемува по раѓањето на бебето.
Дека работите одат верижно покажува и дека ризикот татковците да страдаат од анксиозност е три пати поголем ако мајката е депресивна.
Мајките кои претходно биле изложени на стрес се изложени на поголем ризик да страдаат од постпородилна депресија, како и оние на кои им недостига социјална поддршка и оние кои имале насилен партнер.
Од друга страна, мажите се повеќе изложени на ризик доколку имаат понизок степен на образование, немаат работа или не се задоволни во бракот.
