Познато е дека медитеранската исхрана е добра за здравјето на срцето, а сега ново истражување објавено во стручното списание Journal of the American Heart Association укажува дека исто така може да го намали ризикот од прееклампсија кај идните мајки, која е состојба што може да биде опасна по живот.
Карактеристична со нагли скокови на крвниот притисок, протеини во урината или други проблеми во текот на бременоста, прееклампсијата може да предизвика сериозни здравствени проблеми како за мајката, така и за детето, ако не се лекува. Состојбата исто така го зголемува ризикот од срцеви болести кај жената подоцна во животот.
Инаку, традиционалната медитеранска исхрана е богата со овошје, зеленчук, масна риба, интегрални житарки, мешунки и здрави масти, како маслиновото масло.
Се претпоставува дека медитеранската исхрана има таков ефект на ризикот од прееклампсија бидејќи таа го намалува оксидативниот стрес и ја подобрува васкуларната функција, а го намалува е дебелеењето во бременоста, а познато е дека жените кои многу ја зголемуваат телесната тежина во бременоста, може да имаат поголем ризик од развој на прееклампсија.
