Она што го јадете во текот на бременоста е основна исхрана и на бебето. Затоа е многу важно во исхраната да вклучите здрави намирници и напивки за да на вашето бебе му обезбедите доволно нутриенти кои му се потребни за раст и развој. Протеините се од суштинска важност за вашето и за здравјето на бебето. Тие овозможуваат одржување на здравјето на вашите органи и ткива ,а на бебето му обезбедуваат здрав раст и намален ризик од ниска родилна тежина.
Аминокиселините (од кои се составени протеините) се основно градиво на ткивата и на коските. Во второто и третото тромесечие, органите на бебето најбрзо растат, а вашите органи и гради се зголемуваат за да ги задоволиле растечките потребни на бебето. Поради ова, особено во тој период, многу е важно исхраната да се збогати со намирници кои изобилуваат со протеини.
Губење на телесна тежина, мускулен замор, зачестени инфекции и изразени отоци (задржување на вода) може да бидат показатели дека не внесувате доволно протеини во вашата исхрана.
Препорачана двевна доза е околу 40 до 70 гр (во зависност од вашата телесна тежина),односно 3 оброка (плус уште еден ако носите повеке од 1 бебе). Сепак, не се оптоварувајте со бројки, ако на вашата трпеза редовно се наоѓаат протеински намирници.
Месо од живина
Една порција мисиркино обезбедува околу 23 гр протеин,а исто толку и пилешкото месо.
Ако ви здодее стандардниот начин на подготовка на живиното месо, можете да бидете креативни,и истото да го подготвите како сос болоњезе или ќофтиња.
Или пак можете да испечете коцки пилешко или мисиркино без масло, да додадете јогурт сенф, сол и бибер, да наросите малку магдонос и да динствувате на умерена температура додека не испари вишокот течност. Овој едноставен оброк добро оди со сезонска салата или варен ориз.
Јајца
Јајцата се одличен начин да си обезбедите доволно протеини за оброкот, пред се од практични причини – не е потребно многу време за подготовка и секогаш ви се при рака.
Големо јајце има околу 6 гр протеини, и тоа 2,7гр во жолчката и 3,6гр во белката.
Како и да ги подготвувате, јајцата се одлично решение за појадок… или ручек… или вечера. Можете да ги оплемените додавајќи им зеленчук и така нема да ви здодеат. Во омлетот може да додадете сирење, лук, пиперка или спанаќ. Варените јајца добро се комбинираат со свежа салата.
