Околу 23 милиони деца ги пропуштиле рутинските вакцинации против детски болести, вклучувајќи дифтерија, тетанус и пертусис, во 2020 година поради пандемијата на коронавирус, покажуваат податоците на Светската здравствена организација (СЗО) и УНИЦЕФ.
И додека земјите се борат да набават вакцина против Ковид-19, со другите вакцини ситуацијата е уште полоша и децата се изложени на ризик од заразување со болести што можат да се спречат, како што се детска парализа, сипаници или менингитис
Тоа се 3,7 милиони деца повеќе кои пропуштиле редовни вакцинации отколку во 2019 година, посочуваат од СЗО и УНИЦЕФ.
Податоците покажуваат дека опаѓање на бројот на вакцинирани деца е присутен во повеќето земји во светот.
До 17 милиони деца не примиле ниту една вакцина против детски болести, а повеќето од нив се деца кои живеат во области погодени од конфликти и сиромашни населби и оддалечени области, каде што пристапот до основната здравствена заштита е веќе ограничен.
Родителите често се сретнувале со затворени амбуланти или не ги носеле своите деца на вакцинација поради страв од инфекција.
Вакцинацијата на деца е особено одложена или отежната во земјите од Југоисточна Азија и Источен Медитеран.
И додека земјите се борат да набават вакцина против Ковид-19, со другите вакцини ситуацијата е уште полоша и децата се изложени на ризик од заразување со болести што можат да се спречат, како што се детска парализа, сипаници или менингитис, предупреди директорот на СЗО Тедрос Аданом Гебрејесус.
