Новите родители добиваат многу информации, преку своето семејство, пријателите и социјалните медиуми. Може да биде тешко да знаете што е најдобро да направите за вашето бебе. Во продолжение некои вообичаени митови за бебињата и фактите поврзани со нив.
Мит 1: Многу гушкање ќе го направи вашето бебе премногу приврзано
ФАКТ: Не можете да го „разгалите“ бебето со премногу гушкање и тоа не го прави зависно од вас.
Истражувањата покажуваат дека колку повеќе го гушкате, го гледате и си играте со вашето бебе, толку побезбедно ќе се чувствува и ќе стане понезависно. Ова е затоа што тие (ќе) се чувствуваат сигурни дека ќе бидете тука за нив ако им требате, за да не чувствуваат потреба цврсто да ве држат. Одговарањето на потребите на вашето бебе е како игра тенис – тие сервираат, вие им го враќате топчето. Ова им помага да растат и да се развиваат.
Мит 2: Оставете го бебето да плаче и само ќе се смири
ФАКТ: На бебињата им се потребни родители и старатели кои ќе реагираат на нивниот плач.
Иако бебето кое е оставено да „преплаче“ може да престане да плаче, некои истражувања сугерираат дека тоа, сепак, може да се чувствува вознемирено кога родителите и старателите не реагираат на неговиот плач.
Истражувањата покажуваат дека колку повеќе го гушкате, го гледате и си играте со вашето бебе, толку побезбедно ќе се чувствува и ќе стане понезависно
Бебињата плачат со различно времетраење и во различно време, па затоа обидете се да не го споредувате вашето бебе со другите. Кога се справувате со многу солзи, запомнете дека и вам ви е тешко. Обидете се да одвоите време за тивок момент за да се опуштите.
Мит 3: Бебињата спијат преку ноќ
ФАКТ: Бебињата имаат различни циклуси на спиење од возрасните и будењето во текот на ноќта е нормално.
Некои бебиња ќе спијат подолго време, други кратки периоди. Реагирањето на нивното будење со топлина и љубов е одличен начин да ја негувате вашата врска и нивниот развој. Доколку сметате дека поголема поддршка би ви била од помош, запомнете дека можете да разговарате со вашиот здравствен работник.
Бебињата имаат различни циклуси на спиење од возрасните и будењето во текот на ноќта е нормално
Мит 4: Не треба да дозволите бебето да биде тажно
ФАКТ: Во ред е вашето бебе да изразува тага, непријатност и болка, како и среќа и возбуда.
Бебињата имаат потреба од вас да им помогнете да учат за себе и за светот околу нив. Важно е да одговорите на нивниот плач, како и на нивните насмевки, со љубов и сигурност. Ова им покажува дека е во ред да ги изразуваат емоциите.
