⇒ пренесено од „Си-ен-ен“
На Никол Бјуканан не и беше дозволено ниту да се збогува со нејзиниот сопруг.
Пред три недели, Конрад Бјуканан беше здрав, полн со живот диџеј од Флорида, кој уживаше да танцува со својата ќерка.
Но, на 14 март, 39-годишникот почна да се чувствува болно. Неговата сопруга Никол се обиде да му закаже термин за тестирање за коронавирус, но беше одбиена. „Не можевме да го тестираме. Се борев и се борев и се борев“, рече таа. „Не сакаа да го тестираат заради неговата возраст и заради тоа што немаше други здравствени проблеми“.
Никол отишла да го паркира автомобилот пред болницата. Таа никогаш повеќе не го видела нејзиниот сопруг. „Никогаш не стигнав да му кажам: Те сакам“
До 22 март, состојбата на Конрад се влошила толку многу што Никол морала да го одвезе во болница. Младиот татко бил интубиран веднаш откако бил примен во болницата.
Никол отишла да го паркира автомобилот. Таа никогаш повеќе не го видела нејзиниот сопруг.
„Отидов до вратите. Болницата беше затворена. Не дозволуваа никој да влезе“, рече таа. „Никогаш не стигнав да му кажам: Те сакам“.
Смртта на Конрад Бјуканан ја илустрира суровата реалност на Ковид-19: Никој не е имун на оваа болест, па дури и младите, здрави луѓе може да умрат од неа.
„Не сакаа да го тестираат заради неговата возраст и заради тоа што немаше други здравствени проблеми“
„Сакам сите да знаат дека ова е сериозно. Луѓето мислат дека ги напаѓа само оние кои веќе имаат други здравствени проблеми, старите луѓе. Но, не е така“, изјави вдовицата на Конрад низ плач за „Си-ен-ен“.
„Гледајќи низ што се мојот сопруг требаше да помине беше ужасно. Сега нашиот живот се претвори во ужасен кошмар“.
Никол, исто така, е позитивна на тестот за коронавирус. Таа вели дека нејзините симптоми не се сериозни, но ги изгубила сетилата за вкус и мирис.
Ќерката на двојката, Скај ги чека резултатите од тестот. Таа вели дека загубата на нејзиниот татко е катастрофална. „Ние едноставно споделувавме се. Тој ме носеше на училиште, ме носеше на балет. Тој беше моето се“.
Скај вели дека и недостасуваат храбрите обиди на нејзиниот татко да танцува. Конрад настапувал со Скај по повод Денот на таткото во нејзиното балетско училиште, иако ја испуштил за време на едно подигање. „Беше смешно затоа што можеше да настапува пред милиони луѓе кога беше диџеј, но (кога) танцуваше … тоа не беше најдобро“, рече Скај низ смеа.
Сега, Скај е оставена само со сеќавањата на нејзиниот татко, и една важна лекција на којашто ја научил токму тој: „Пронајдете го вашиот ритам во животот. Слушајте го ритамот. Танцувајте и изразете се себеси за да се поврзете со луѓето од сите сфери на животот“, рече таа.
Никол Бјуканан апелира сите да останат дома и да преземат мерки на претпазливост, за никој друг да не мора да го доживее она низ кое што сега минува нејзиното семејство.
„Треба да го сфатите ова сериозно“, рече таа. „Ни би му посакала никому да го помине она низ коешто ние поминуваме. Нашите болнички системи не се подготвени. Само останете дома.“
