Во нова иновативна студија, прегледани се забите на децата со аутизам и без него и воочена е разлика во количината на присутни тешки метали.
Истражувачи на Националниот институт за здравје откриле повеќе токсично олово и помалку есенцијални хранливи состојки, цинк и манган во забите на децата со аутизам. Интересно е дека за оваа студија, тие користеле заби на 32 пара близнаци и 12 одделни близнаци (или едниот умал аутизам, или двајцата или ниту еден), па можеле да ги контролираат речиси сите генетски фактори.
Споредбата на забите кај бебињата блзинаци, им овозможила на истражувачите да се фокусираат на факторите кои можат да допринесат за ризик од развој на аутизам, изложеност на метали во раниот животен период. Податоците сугерираат дека телото на детето ги обработува металите непосредно пред раѓањето, а веднаш потоа нуди траги.
Синди Лолер, шеф на Националниот институт за околина и здравје, објаснува:
“Од претходни студии знаеме дека трудниците или доилките треба да ја намалат нивната изложеност на олово или други отровни материи. Кога мајката е изложена, може да биде изложено и бебето. А, посебно на олово, не постои безбедно ниво на изложеност“.
Конкретно, откриено е дека децата со аутизам имаат повисоко ниво на олово и манган во периодот по раѓањето. Тие покажувале и пониски нивоа на цинк порано о матката; а по раѓањето нивоата пораснале во споредба со децата без аутизам. Најголеми разлики во нивоата се забележани во случаевите во кои само едниот близнак имал аутизам.
“Мислиме дека аутизмот почнува многу рано, најверојатно во матката, а истражувањето сугерира дека нашето опкружување може да го зголеми ризикот кај детето. Но, со време кога на децата им се дијагностицира аутизам на возраст од 3 или 4 години, тешко е да се вратите назад и да дознаете на што мајките биле изложени. Со млечните заби, тоа всушност можеме и да го направиме“, објаснува д-р Лолер.
